Home Internet Access

ဟံၣ်အ့ထၢၣ်နဲးအဂ့ၤလၢမၤတၢ်မူၤမူၤနီၢ်နီၢ်န့ၣ် မ့ၢ်တၢ်အကါဒိၣ်လၢ ကၠိဖိကဆဲးမၤလိတၢ်လၢတီၤဒၢးအချၢ ဒီးဖဲ e-learning မုၢ်နံၤ မ့တမ့ၢ် မူခိၣ်ကလံၤသီၣ်ဂီၤတဂ့ၤနးနးဒီးကၠိပျၢ်အကတီၢ်န့ၣ်လီၤ. စ့ၣ်ဖီလ်ပဒိၣ်ကၠိပာ်လီၤသးနီၢ်နီၢ်လၢ ကဟ့ၣ်လီၤတၢ်ဃုထၢ အ့ထၢၣ်နဲးတၢ်ဆဲးကျိးအတၢ်ဆီၣ်ထွဲတဖၣ်လၢ ကၠိဖိဒီးဟံၣ်ဖိဃီဖိလၢလိၣ်ဘၣ်ဝဲတဖၣ်အဂီၢ်န့ၣ်လီၤ. ဟံၣ်အ့ထၢၣ်နဲးတၢ်ဆဲးကျိးတၢ်ဆီၣ်ထွဲတဖၣ်ပၣ်ဃုာ် - 

• Comcast Internet Essentials အနီၣ်ဂံၢ် (code) လၢအိၣ်ဒီးတၢ်ပာ်ပနီၣ်တဖၣ်အိၣ်ဝဲလၢ ဟံၣ်ဖိဃီဖိလၢကြၢးဝဲဘၣ်ဝဲတဖၣ်အဂီၢ်လီၤ. Comcast Internet Essentials တၢ်ရဲၣ်တၢ်ကျဲၤမ့ၢ် တၢ်ဃုထၢအကြၢးအဘၣ်လၢပဟ့ၣ်ကူၣ်အီၤဒီး အဂ့ၤဒိၣ်မးလၢဟံၣ်ဖိဃီဖိလၢလိၣ်ဘၣ် အ့ထၢနဲးတၢ်ဆဲးကျိးတဖၣ်အဂီၢ်န့ၣ်လီၤ. ဝံသးစူၤ ဆဲးကျိးနဖိအကၠိလၢနကသ့ၣ်ညါအါထီၣ် တၢ်ဂ့ၢ်တၢ်ကျိၤအဂီၢ်န့ၣ်တက့ၢ်.
• ကၠိဖိဒီးဟံၣ်ဖိဃီဖိလၢကွၢ်ဆၢၣ်မဲာ်ဒီးဟံၣ်ဃီတအိၣ်တဖၣ်အဂီၢ်, စ့ၣ်ဖီလ်ပဒိၣ်ကၠိ ကၠိခီၣ်စလၢၣ်တဖၣ်အိၣ်ဒီး အ့ထၢနဲး hotspot တဖၣ်လၢ ကၠိဖိကလဲၤဟံးန့ၢ်ဝဲအဂီၢ်လီၤ. ဝံသးစူၤဆဲးကျိးနဖိအကၠိလၢနကဒိးန့ၢ်တၢ်မၤစၢၤအဂီၢ်န့ၣ်တက့ၢ်.
• Project REACH ဟ့ၣ်လီၤစ့ၢ်ကီး အ့ထၢနဲး hotspot တဖၣ် ဒ်အလီၢ်အိၣ်အသိးဆူ ကၠိဖိဒီးဟံၣ် ဖိဃီဖိတဖၣ် လၢ ကွၢ်ဆၢၣ်မဲာ်ဒီးဟံၣ်ဃီတအိၣ် မ့တမ့ၢ် တၢ်ဂ့ၢ်ကီဂုၤဂၤ န့ၣ်လီၤ. Project REACH မ့ၢ် စ့ၣ်ဖီလ်ပဒိၣ်ကၠိ တၢ်အိၣ်ကဒု ဒီး ပှၤအိၣ်ကျဲကပၤအတၢ်ရဲၣ်တၢ်ကျဲၤ လၢအ မၤဂ့ၤဒိၣ်ထီၣ် ကၠိတၢ်အိၣ်ဂၢၢ်အိၣ်ကျၢၤ ဒီး ကူၣ်သ့တၢ်ဖျိးစိလၢ ဖြံၣ်ခ့ၣ် ဒီး ကၠိဖိလၢကွၢ် ဆၢၣ်မဲာ်ဒီး ဟံၣ်ဃီ တၢ်ဂ့ၢ်ကီတစိၢ်တလီၢ်တဖၣ်အဂီၢ်လီၤ. နမ့ၢ်အဲၣ်ဒိးသ့ၣ်ညါအါထီၣ် တၢ်ဂ့ၢ်တၢ်ကျိၤန့ၣ်, ကိး ၆၅၁-၂၃၁-၀၄၀၄ န့ၣ်တက့ၢ်.