Compensation Philosophy

စ့ၣ်ဖီလ်ပဒိၣ်ကၠိအတၢ်ပညိၣ်တိာ်ပာ်ခိၣ်သ့ၣ်မ့ၢ်ဒ်သိး ကထိၣ်ဟူးထိၣ်ဂဲၤထီၣ်ကၠိဖိသးသဟီၣ်လၢ ကဆိမိၣ်ပဲာ်ထံနီၤဖးတၢ်လီၤတံၢ်လီၤဆဲး, မၤလၢပှဲၤထီၣ် အဝဲသ့ၣ်တၢ်တိာ်တၢ်မုၢ်လၢ်တဖၣ် ဒီး ဆီတလဲဟီၣ်ခိၣ်ဘီမုၢ်န့ၣ်လီၤ.  ကၠိဖိတၢ်ဖံးလိမၤဒိး ဒီး ကူၣ်သ့တၢ်ဖျိးစိအထီကတၢၢ် မ့ၢ် တၢ်အိၣ်လၢပသးပူၤကိးဂၤဒဲးလၢပမၤသကိးအီၤန့ၣ်လီၤ. ဒ်သိးပကမၤလီၤတံၢ်လၢ ပပှၤကၠိဖိကဒိးန့ၢ်တၢ်ကူၣ်ဘၣ်ကူၣ်သ့လၢအဂ့ၤဒိၣ်ကတၢၢ်အဂီၢ်, တၢ်အကါဒိၣ်သပှၢ်ကတၢၢ်လၢ ပမုၢ်လၢ်တၢ်ဒိၣ်မးလၢပပှၤမၤတၢ်ဖိတဖၣ်အအိၣ်န့ၣ်လီၤ. လၢတၢ်န့ၣ်အဃိ, စ့ၣ်ဖီလ်ပဒိၣ်ကၠိ အိၣ်ဒီးတၢ်ပာ်လီၤသးနီၢ်နီၢ်လၢကဟ့ၣ်လီၤ ပှၤမၤတၢ်ဖိဘူးလဲဒီးအတၢ်န့ၢ်ဘျုးန့ၣ်ဖှိၣ်အဂ့ၤကတၢၢ် လၢပပှၤမၤတၢ်ဖိတဖၣ်အဂီၢ်လၢတၢ်ထိၣ်သတြီၤအီၤတၢ်ကရၢကရိအဂုၤဂၤန့ၣ်လီၤ. တၢ်အဝဲအံၤမ့ၢ်ဒ်သိးလၢ အကထုးန့ၢ်, ဒုးအိၣ်ထီၣ်ပပှၤမၤတၢ်ဖိအတၢ်သးစဲ, ဒီး ကၢၤဃာ် ကရူၢ်ပှၤမၤတၢ်ဖိကလုာ်ကလုာ်လၢအကံၢ်စီပတီၢ်ထီတဖၣ်ဒီးအမ့ၢ်ပှၤလၢအိၣ်ဒီးကံၢ်စီ, တၢ်သ့တၢ်ဘၣ်တဖၣ် ဒီးတၢ်အၢၣ်လီၤသးလၢကမၤစၢၤကၠိဖိကိးဂၤဒဲးဒ်သိးကဖျိးစိလၢကၠိကူၣ်သ့တၢ်ဖံးလိမၤဒိးအပူၤန့ၣ်လီၤ. 

စ့ၣ်ဖီလ်ပဒိၣ်ကၠိ တၢ်ဟ့ၣ်လၤကပီၤခဲလၢာ်အတၢ်ရဲၣ်တၢ်ကျဲၤ(rewards program) မ့ၢ်တၢ်ဘျၢလီၤကျိၣ်စ့လၢပှၤမၤတၢ်ဖိတၢ်ဂၤ စုာ်စုာ်အပူၤ ဒီးတၢ်လဲၤကျဲခါဆူညါတၢ်ပာ်ဖှိၣ်မၤသကိးတၢ်န့ၣ်လီၤ. တၢ်ရဲၣ်တၢ်ကျဲၤဝဲအံၤအတၢ်ပညိၣ်မ့ၢ် ဒ်သိးအကဟ့ၣ်လီၤ ပှၤမၤတၢ်ဖိအဘူးအလဲဒီးအတၢ်န့ၣ်ဘျုးန့ၢ်ဖှိၣ်လၢတၢ်ထိၣ်သတြီၤအီၤလၢတၢ် ကရၢကရိဂုၤဂၤဒီးမုၢ်မဆါတနံၤညါအံၤပှၤဟ့ၣ်ပှၤမၤတၢ်ဖိအဘူးအလဲလၢအိၣ်ဒီးတၢ်လၢတၢ်ပှဲၤလၢပပှၤတၢ်ဖိကိးဂၤဒဲးအဂီၢ်န့ၣ်လီၤ.  

 လၢပတၢ်ဟ့ၣ်လၤဟ့ၣ်ကပီၤခဲလၢာ်အတၢ်ရဲၣ်တၢ်ကျဲၤန့ၣ်, စ့ၣ်ဖီလ်ပဒိၣ်ကၠိ မုၢ်လၢ်ကွၢ်စိဝဲလၢ -  

• ကဲထီၣ်ခိၣ်နၢ်ဟ့ၣ်လီၤဘူးလဲတၢ်ဃုထၢအထီကတကၢ် (market leader) ဖဲ Twin Cities ဒီး လီၢ်ဟီၣ်ကဝီၤအပူၤန့ၣ်လီၤ. ကဲထီၣ်ခိၣ်နၢ်ဟ့ၣ်လီၤဘူးလဲတၢ်ဃုထၢအထီကတၢၢ်လၢ Twin Cities ဒီး ပလီၢ်ဟီၣ်ကဝီၤအပူၤန့ၣ်လီၤ. ကၠိကီၢ်ရ့ၣ်မုၢ်လၢ်ဝဲလၢ ကကဲထီၣ် (market leader) ပှၤဟ့ၣ်လီၤဘူးလဲလၢအဂ့ၤကတၢၢ်လၢတၢ်မၤကိးကလုာ်ဒဲးအဖီခိၣ်န့ၣ်လီၤ. ပဆီလီၤပာ်လီၤ ပှၤမၤတၢ်ဖိအဘူးအလဲတဖၣ်လၢ ပတီၢ်အကြၢးအဘၣ်ဒ်သိးအကမၤကဲထီၣ်လိၣ်ထီၣ် ပတၢ်ဒိးလဲပှၤမၤတၢ်ဖိ, ပတၢ်ဖံးတၢ်မၤဒီး ပၢၤဃာ်ပတၢ်ပညိၣ်တိာ်ပာ်တဖၣ်န့ၣ်လီၤ. 

• • External Competitiveness (တၢ်ထိၣ်သတြီၤဘူးလဲဒီးတၢ်ကရၢကရိဂုၤဂၤ): ပတၢ်ဟ့ၣ်ပှၤမၤတၢ်ဖိအဘူးအလဲ ဒီး တၢ်န့ၢ်ဘျုးန့ၣ်ဖှိၣ်တဖၣ်အတၢ်ရဲၣ်တၢ်ကျဲၤန့ၣ် ဘၣ်အိၣ်ဒီးတၢ်ပညိၣ်လၢ ကထုးန့ၢ်, ပၢၤဃာ် ဒီး ပာ်ပနီၣ်ပှၤမၤတၢ်ဖိကလုာ်ကလုာ်လၢမၤတၢ်သ့ဒီးပတီၢ်ထီတဖၣ်န့ၣ်လီၤ. တၢ်အဝဲအံၤပၣ်ဃုာ်တၢ်ဆီလီၤပာ်လီၤ တၢ်ဟ့ၣ်ပှၤမၤတၢ်ဖိအဘူးအလဲတဖၣ် ဒီး တၢ်န့ၢ်ဘျုးန့ၣ်ဖှိၣ်ဖဲအပတီၢ်တဖၣ်လၢ တၢ်ထိၣ်သတြီၤအီၤဒီး တၢ်ဖံးတၢ်မၤဒ်သိးလိာ်သးတဖၣ်လၢ ပဒိၣ်တၢ်ဖံးတၢ်မၤဒီး ဖြါဘ့းတၢ်ဖံးတၢ်မၤတဖၣ်, လၢအကြၢးဝဲဘၣ်န့ၣ်လီၤ. ဒ်သိးလၢပကဆဲးထုးန့ၢ်ဒီးပၢၤဃာ်ပှၤမၤတၢ်ဖိလၢအိၣ်ဒီးတၤလၢ်ဒီးကံၢ်စီပတီၢ်ထီၣ်အဂီၢ်, ပကဘၣ်ဟ့ၣ်လီၤတၢ်ခွဲးတၢ်ယာ်တဖၣ်လၢ တၢ်ဒိၣ်ထီၣ်ထီထီၣ်အဂီၢ်ဒီး တၢ်ဖံးတၢ်မၤတၢ်လဲၤထီၣ်လဲၤထီအဂီၢ်န့ၣ်လီၤ. 

• • Internal Equity (တၢ်ကရၢကရိအပူၤတၢ်ဟ့ၣ်ဘူးလဲလၢတုၤသိးထဲသိးလိာ်သး) -ပဒုးအိၣ်ထီၣ် ဒီး မၤကဲထီၣ်လိၣ်ထီၣ် တၢ်ဟ့ၣ်ဘူးလဲအတၢ်နဲၣ်ကျဲဒ်သိးပကမၤလီၤတံၢ်လၢ တၢ်မၤဒ်သိးလိာ်သးလၢပ တၢ်ကရၢကရိအပူၤတဖၣ် ကဘၣ်တၢ်ဟ့ၣ်လီၤဘူးလၢကြၢးအဘၣ်ကတၢၢ်ဒီးအဖိးမံလိာ်သးဒီး ကီၢ်စဲၣ်တၢ်ဘျၢသဲစးန့ၣ်လီၤ. တၢ်ရဲၣ်ကျဲၤမၤဘၣ်လီၢ်ဘၣ်စးဘူးလဲတဖၣ်ကဘၣ်တၢ်ဟ့ၣ်လီၤအီၤဆူပှၤမၤတၢ်ဖိဒ်အကြၢးဝဲဘၣ်ဝဲအသိးလၢအကဘှါၡဲလီၤတၢ်ဟ့ၣ်ဘူးလဲလၢအိၣ်ဒီးတၢ်တုၤသိးထဲသိးလိာ်သးလၢပတၢ်ကရၢကရိအပူၤဖဲပဘၣ်ထိၣ်သတြီၤတၢ်လိၣ်ဘၣ်တဖၣ်လၢ မုၢ်မဆါတနံၤညါအံၤပှၤဟ့ၣ်ပှၤမၤတၢ်ဖိအဘူးအလဲန့ၣ်လီၤ. ဘူးလဲလၢပှၤမၤတၢ်ဖိအသီ တဖၣ်အဂီၢ်န့ၣ် ကဘၣ်တၢ်ဆီလီၤပာ်လီၤအပတီၢ်လၢအဒိးသန့ၤထီၣ်အသးလၢပှၤမၤတၢ်ဖိတၢ်သ့တၢ်ဘၣ် ဒီးအတၢ်လဲၤခီဖျိ, ဖဲပကွၢ်ထံ ဘူးလဲအပတီၢ်တဖၣ်လၢဘၣ်ဃးဒီး ပှၤမၤတၢ်ဖိခဲအံၤတဖၣ်အတၢ်မၤမူဒါလၢဒ်သိးလိာ်သးတဖၣ်ဒိးန့ၢ်အဘူးအလဲဖီခိၣ်န့ၣ်လီၤ.  

  • Balanced Approach (တၢ်ပှဲၤသိးလိာ်သးကျိၤကျဲ) -   မၤတၢ်ဃုာ်ဒီး တၢ်ဟ့ၣ်ပှၤမၤတၢ်ဖိဘူးလဲအတၢ်ပာ်ပနီၣ်နီၢ်နီၢ် ကီၢ်ကီၢ်တဖၣ်လၢမုၢ်မဆါတနံၤညါအံၤ ဒီး မၤဘၣ်လီၢ်ဘၣ်စးထီၣ်တၢ်ဒ်အလီၢ်အိၣ်ဝဲအသိးလၢကထုးန့ၢ်ဒီး ပၢၤဃာ်ပှၤမၤတၢ်ဖိလၢ တၢ်ဆီတလဲထီဘိခိၣ်ဃၢၤအဝဲအံၤအပူၤန့ၣ်လီၤ.  

  • Establish Minimum Standards(ဆီလီၤပာ်လီၤဘူးလဲအစှၤကတၢၢ်ပတီၢ်တဖၣ်)-  ကျဲးစၢးမၤလီၤတံၢ်လၢ လါလဲတဖၣ်လၢ တၢ်မၤပတီၢ်ကိးခါဒဲးအဂီၢ် စးထီၣ်အသးလၢ ဘူးလဲအကြၢးအဘၣ်ဒီး, တဆီဘၣ်တဆီ မၤအါထီၣ်ဘူးလဲတဖၣ်တုၤထီၣ်ဘၣ်လၢ ကၠိကီၢ်ရ့ၣ်ပာ်ပနီၣ် တၢ်ဟ့ၣ်ဘူးလဲအပတီၢ်ဒ် ပှၤဟ့ၣ်လီၤပှၤမၤတၢ်ဘူးလဲလၢအဂ့ၤကတၢၢ်တဂၤအသိးန့ၣ်လီၤ.   

  • Continuous Improvement (တၢ်ဆဲးမၤဂ့ၤထီၣ်တၢ်ကွ့ၢ်ကွ့ၢ်) -  ကွၢ်ကဒါက့ၤ တၢ်ဟ့ၣ်ပှၤမၤတၢ်ဖိဘူးလဲခဲလၢာ်အတၢ်ရဲၣ်တၢ်ကျဲၤထီဘိ လၢတၢ်သတြီၤ တၢ်ဟ့ၣ်ဘူးလဲလၢတၢ်ကရၢကရိဂုၤဂၤ, တၢ်လၢာ်ဘူၣ်လၢၤစ့ၤလၢသူကျိၣ်စ့စှၤစှၤ ဒီး ပာ်လုၢ်ပာ်ပှ့ၤပှၤမၤတၢ်ဖိတဖၣ်န့ၣ်လီၤ. ကွၢ်ကဒါက့ၤတၢ်ဖံးတၢ်မၤအတၢ်ပာ်ဖျါ ဒီးတၢ်မၤလီၢ်လၤတီၤပတီၢ်တဖၣ်န့ၣ်လီၤ ဒုးအိၣ်ထီၣ် တၢ်ကွၢ်ကဒါက့ၤတၢ်ကိးမံၤဒဲး လီၤတံၢ် လီၤဆဲး အစှၤကတၢၢ် ၃နံၣ် တုၤ ၅နံၣ်တဘျီန့ၣ်လီၤ.  

  • Differentiation (တၢ်လီၤဆီလိာ်သး) -  တၢ်လီၤဆီလိာ်သး - ပသ့ၣ်ညါလၢ တၢ်ဟ့ၣ်ပှၤမၤတၢ်ဖိဘူးလဲအပတီၢ် လီၤဆီလိာ်သးသ့ဝဲသ့ၣ်သ့ၣ်လၢ တၢ်ဖံးမူဒါတဖၣ်/ လီၢ်လၤပတီၢ်တဖၣ်အတၢ်လီၤဆီလိာ်သးအဖီခိၣ်န့ၣ်လီၤ.    

• Ensure sound, responsible stewardship over the district’s resources (မၤလီၤတံၢ်တၢ်ပၢဆှၢရဲၣ်ကျဲၤ ကၠိကီၢ်ရ့ၣ်တၢ်စုလီၢ်ခီၣ်ခိၣ်တဖၣ်လီၤတံၢ်လီၤဆဲး.ကၠိကီၢ်ရ့ၣ်တၢ်ဖံးတၢ်မၤ, တၢ်မၤကဲထီၣ်လိၣ်ထီၣ် ကၠိကီၢ်ရ့ၣ်တၢ်တိာ်ကျဲၤအတၢ်ပညိၣ်တိာ်ပာ်တဖၣ် ဒီး ကျိၣ်စ့ဂ့ၢ်ဝီခဲလၢာ်န့ၣ် ဟဲခီဖျိအသးလၢ ကၠိဖိတၢ်ဆဲးလီၤမံၤအဖီခိၣ် ဒီး ခ့ခါကတီၢ်ပှၤမၤတၢ်ဖိဘူးလဲအတၢ်အိၣ်သးတဖၣ် ကပာ်လီၤ ကၠိစ့တိာ်ပာ်လၢ တၢ်ကဟ့ၣ်လီၤပှၤမၤတၢ်ဖိအဘူးအလဲ, တၢ်မၤအါထီၣ်ဘူးလဲလၢတၢ်အိၣ်မူတၢ်လၢာ်အဂီၢ်, တၢ်မၤဘၣ်လိာ် ဘူးလဲလၢအဖိးမံလိာ်သးဒီးတၢ်ပာ်ပနီၣ်တၢ်ဟ့ၣ်ပှၤမၤတၢ်ဖိဘူးလဲလၢဆၢတီၢ်ခဲအံၤ, တၢ်ရဲၣ်ကျဲၤမၤဘၣ် လိာ်က့ၤတၢ် ဒီး တၢ်မၤထီထီလီၢ်လၤပတီၢ်တဖၣ်န့ၣ်လီၤ.