တၢ်ဒိးစဲးမၤကွၢ်တၢ်တဖၣ်
ကၠိကီၢ်ရ့ၣ်တၢ်ဒိးစဲးလံာ်နံၣ်လံာ်လါ
၂၀၂၆-၂၀၂၇နံၣ် စ့ၣ်ဖီလ်ပဒိၣ်ကၠိ ကၠိကီၢ်ရ့ၣ်တၢ်ဒိးစဲးလံာ်နံၣ်လံာ်လါ
တၢ်ဒိးစဲးမၤကွၢ်တၢ်အတၢ်ပညိၣ်ဒီးတၢ်ဂ့ၢ်မိၢ်ပှၢ်
တၢ်ဂ့ၢ်တၢ်ကျိၤလၢ ဟံၣ်ဖိဃီဖိအဂီၢ်
တၢ်ပညိၣ်ဘၣ်ဃးတၢ်ဒိးစဲးမၤကွၢ်တၢ်တဖၣ် :
MCAs မ့ၢ်တၢ်မနုၤလဲၣ်.
Minnesota Comprehensive Assessments (MCAs) မ့ၢ် တၢ်ဒိးစဲးမၤကွၢ် ကၠိဖိအလံာ်တၢ်ဖး, လံာ်တၢ်ဒွး, ဒီးလံာ်စဲအ့ၣ်လၢဘၣ်တၢ်ရဲၣ်ကျဲၤမၤအီၤကိးနံၣ်ဒဲးဖဲ တၢ်ကိၢ်ထီၣ်သီအကတီၢ်န့ၣ်လီၤ. MCAs မ့ၢ်တၢ်လၢအဖိးမံလိာ်သးဒီး Minnesota Academic Standards (မံၣ်နံၣ်စိထၣ်ကူၣ်သ့တီၤပတီၢ်), လၢပာ်ဖျါတၢ်လီၤတံၢ်လီၤဆဲးဘၣ်ဃး တၢ်လၢ ကၠိဖိ ကြၢးသ့ၣ်ညါဒီး မၤတၢ်သ့မနုၤလဲၣ်ဖဲအတီၤပတီၢ်အပူၤန့ၣ်လီၤ.
ဘၣ်မနုၤအဃိလၢကၠိဖိဘၣ်ဒိးစဲး MCAs တၢ်ဒိးစဲးန့ၣ်လဲၣ်.
MCAs ဘၣ်တၢ်စူးကါအီၤလၢ တၢ်ကထၢဖှိၣ်တၢ်ဂ့ၢ်တၢ်ကျိၤဘၣ်ဃး ကၠိကီၢ်ရ့ၣ်ဒီးကၠိတဖၣ် သိၣ်လိနဲၣ်လိ Minnesota Academic Standards (မံၣ်နံၣ်စိထၣ်ကူၣ်သ့တီၤပတီၢ်တဖၣ်) ဒ်လဲၣ်အဂ့ၢ်န့ၣ်လီၤ. ကၠိစူးကါတၢ်ဂ့ၢ်တၢ်ကျိၤလၢအကမၤဂ့ၤထီၣ် လံာ်ညိၣ်သိၣ်ဒိၣ်(လံာ်တၢ်သိၣ်လိမိၢ်ပှၢ်)အပီးအလီတဖၣ်ဒီး ကၠိဖိတၢ်ဆီၣ်ထွဲန့ၣ်လီၤ. ကၠိသရၣ်သရၣ်မုၣ်တဖၣ်ကွၢ်တၢ်လၢကၠိဖိမၤလိန့ၢ်ဝဲဂ့ၤဂ့ၤတဖၣ်ဒီးလၢတၢ်န့ၣ်အဃိအဝဲသ့ၣ်မၤဂ့ၤဒိၣ်ထီၣ်ကျိၤကျဲတဖၣ်လၢအတၢ်သိၣ်လိလံာ်လဲၢ်တဖၣ်အပူၤန့ၣ်လီၤ. ကၠိဒီးကၠိကီၢ်ရ့ၣ်တဖၣ်ကွၢ်စ့ၢ်ကီး တၢ်လၢအဝဲသ့ၣ်ကမၤဂ့ၤထီၣ်လံာ်ညိၣ်သိၣ်ဒိၣ်ဒီးတၢ်သိၣ်လိနဲၣ်လိအဂီၢ်န့ၣ်လီၤ.
တၢ်နုာ်လီၤပၣ်ဃုာ်ဖဲ MCAs အပူၤ
ဖဲနဖိနုာ်လီၤဒိးစဲး MCA တၢ်ဒိးစဲးအခါ, တၢ်အံၤမၤစၢၤနဖိအကၠိဒီးကၠိကီၢ်ရ့ၣ်ဒ်သိးအကသ့ၣ်ညါဝဲလၢ အတၢ်သိၣ်လိနဲၣ်လိဒီးကူၣ်သ့တၢ်ရဲၣ်တၢ်ကျဲၤဂ့ၤဝဲလၢကၠိဖိကိးဂၤဒဲးအဂီၢ်ထဲလဲၣ်န့ၣ်လီၤ. ကၠိဖိအါဂၤမ့ၢ်နုာ်လီၤ တၢ်ဒိးစဲးန့ၣ်, ကၠိကီၢ်ရ့ၣ်ဒီးကၠိကဒိးန့ၢ်တၢ်ဂ့ၢ်တၢ်ကျိၤအါအါလၢအကဆီၣ်ထွဲတၢ်ပာ်လီၤတၢ်ဆၢတဲာ်တဖၣ် ဘၣ်ဃးဒီး ဘၣ်စူးကါကျိၣ်စ့, ကၠိပှၤမၤတၢ်ဖိ, ဒီးတၢ်တိစၢၤမၤစၢၤတဖၣ်လၢအကဆီၣ်ထွဲမၤစၢၤကၠိဖိကိးဂၤဒဲးတၢ်ဖံးလိမၤဒိးအဂီၢ်န့ၣ်လီၤ
တၢ်တိစၢၤမၤစၢၤတဖၣ်လၢကၠိသရၣ်သရၣ်မုၣ်တဖၣ်အဂီၢ် :
- ၂၀၂၅-၂၆ နံၣ် စ့ၣ်ဖီလ်ပဒိၣ်ကၠိ ကၠိကီၢ်ရ့ၣ်တၢ်ဒိးစဲးအတၢ်ဘံၣ်တၢ်ဘၢတၢ်မၤကျိၤကွာ်တဖၣ်
- တၢ်ဂ့ၢ်ခိၣ်သ့ၣ်ဘၣ်ဃး SPPS District and Statewide Assessments - လၢ စ့ၣ်ဖီလ်ပဒိၣ်ကၠိပှၤမၤတၢ်ဖိတဖၣ်အဂီၢ်
- ကၠိခိၣ်အတၢ်ဖံးတၢ်မၤဒီးအမူအဒါတဖၣ်လၢတၢ်ဒိးစဲးအဂီၢ် (MDE & SPPS)
- "Abide By the Embargo" အခီပညီမ့ၢ်တၢ်မနုၤလဲၣ်.
- ကၠိဖိဒီးကၠိပတီၢ်တၢ်ဒိးစဲးအစၢတဖၣ်ဘၣ်တၢ်ထုးထီၣ်ရၤလီၤအီၤသ့ဖဲလၢမံၣ်နံၣ်စိထၣ်ကူၣ်သ့ဝဲၤကျိၤထုးထီၣ်ရၤလီၤဝဲဖဲ လါစဲးပထ့ဘၢၣ် ၂၀၂၆ နံၣ်အပူၤတစုန့ၣ်လီၤ.
- တၢ်ဒိးစဲး ၁, ၂, ၃ - တၢ်တိစၢၤမၤစၢၤလၢကၠိသရၣ်သရၣ်မုၣ်တဖၣ်အဂီၢ် - ကျိၤကျဲတဖၣ် လၢပှၤကစူးကါဒီးနၢ်ပၢၢ်တၢ်ဒိးစဲးတၢ်ဂ့ၢ်ထၢဖှိၣ်လၢတီၤဒၢးအပူၤ - တၢ်ဒိးစဲးမၤကွၢ်တၢ်, တၢ်ပဲၤထံနီၤဖးဒီး တၢ်ရဲၣ်ကျဲၤမၤတၢ်
- ဆဲးလီၤမံၤလၢ 'Educator Edition' အဂီၢ်- တလါတဘျီလံာ်တၢ်ကစီၣ်မ့ၢ်တၢ်လၢ ဘၣ်တၢ်ပာ်ဖှိၣ်ထီၣ်ဃုာ် တၢ်ဒိးစဲး ၁, ၂, ၃ ဒီး လံာ်ညိၣ်သိၣ်ဒိၣ်ပှၤနဲၣ်တၢ်တဖၣ် လံာ်တၢ်ကစီၣ်လီၤ. ကိးလါဒဲး တၢ်ကပာ်ဖျါထီၣ် - တၢ်ဂ့ၢ်တၢ်ကျိၤတၢ်ဆီတလဲတဖၣ်လၢ MDE, တၢ်ခွဲးတၢ်ယာ်တဖၣ်, ဒီးတၢ်ထံၣ်ဒီး တၢ်ဃုထံၣ်သ့ၣ်ညါအကါဒိၣ်တဖၣ်လီၤ.
- ကီၢ်စဲၣ်ဒီဘ့ၣ်တၢ်ဒိးစဲး - တၢ်ဂ့ၢ် ၆ မံၤလၢ ဘၣ်မနုၤအဃိ - တၢ်စံးဆၢတၢ်သံကွၢ်လၢတၢ်ညီနုၢ်သံကွၢ်ဝဲဘၣ်ဃးဒီး တၢ်ဒိးစဲးအဂ့ၢ်အကျိၤ.
- တၢ်စူးကါ ACCESS တၢ်ဒိးစဲးအစၢတဖၣ် (MDE) အကြၢးအဘၣ်ဒီးတကြၢးတဘၣ်. (MDE)
- တၢ်စူးကါ MCA တၢ်ဒိးစဲးအစၢ (MDE) အကြၢးအဘၣ်ဒီးတကြၢးတဘၣ်.(MDE)
တၢ်ခွဲးတၢ်ယာ်ဒီးတၢ်တိစၢၤမၤစၢၤတဖၣ်လၢ ကၠိသရၣ်သရၣ်မုၣ်တဖၣ်အဂီၢ် တၢ်တိစၢၤမၤစၢၤတဖၣ်လၢ ကၠိခိၣ်နၢ်တဖၣ်အဂီၢ်
MDE ကီၢ်စဲၣ်ဒီဘ့ၣ်တၢ်ဒိးစဲး
- တၢ်ဆဲးကျိးအံမ့လ်ဒီးလီတဲစိ ဘၣ်ဃးဒီး MDE တၢ်ဒိးစဲး (လၢတၢ်ပာ်ဖျါထီၣ်တၢ်ဘံၣ် တၢ်ဘၢတၢ်ဘၣ်ယိၣ်တဖၣ်အဂီၢ်) :
- mde.testing@state.mn.us
- 651-582-8674